醫生師妹，你唔好呃我

M: 八十後師妹，嗲精，未婚，新晉兒科專科醫生

T: Dr. T

M: Dr. T，我想學打Botox响邊度學？

T: 你想學？點解嘅？

M: 我想開舖呀，諗住未有客咪同美容院做住part time先囉，好易打㗎呵。

T: 點解你想開舖呢？

M: 咁你知醫院呢又好多制肘，又有人事，咁我又想自由啲啦。

T: 你升咗職又唔駛返夜，朝九晚六，只是間唔中返下星期日半晝，唔駛捱乜濟啦噃。為咗錢？

M: 梗係唔係啦。

T: 查實你覺得工作最重要的三樣收穫係乜嘢呢？

M: 工作滿足感啦，自由度啦，想做自己想做嘅嘢咁囉。

T: 咁點先會令你覺得工作有滿足感呢？

M: 睇好啲病人囉。

T: 你一日睇六十症，冇一個睇得好？

好想大巴大巴車醒佢。

但我老了，冇心冇力。

做人最緊要對自己坦白。

特別是，不要以為可以呃到我。

由公營機構轉為個人事業，要跳過的就是一個comfort zone。而離開comfort zone之前最重要的就是計好一盤數。那盤數很簡單，就是機會 - 成本。失敗的通常都是高估機會低估成本，最不該的失敗理由就是欺騙自己。

就例如，

明明要的是靚仔，就說要顧家。

明明要的是大，就說要安全感。

錯哂。

你要錢的話就要搏盡，就做最頂級的名醫收一百八十萬醫個肺炎（延伸閱讀），懶底要hea的話就認命不會發大達，工作累了就放個假，不愛自己工作的就找個嗜好，要濟世為懷的就乖乖的協助貧苦。如意算盤永遠不夠美容院打得響，有錢齊齊揾，鑊你自己孭，出事的時候立即割蓆。快。狠。準。（再延伸閱讀）

話時話，很多人問，醫肺炎為什麼可以這麼貴？世界級權威，貴嗎？等於你找Celine Dion教唱歌，Warren Buffet教投資，Barack Obama教演講，世界級權威世界級價錢囉。

其實八十後都唔再年輕了，唔該唔好咁低能。

(Photo from Internet)