你有乜值得唔開心唧？

美: Dr. T，你又有師妹跳樓啦！

T: 隔年有一個，好鬼邪。

美: 讀醫真係好辛苦咩？

T: 都唔係吖。（我畢咗業梗係咁講啦）

美: 咁做乜咁儍呢？

T: 老實講，大學又好少入得唔出得嘅，連我都畢到業啦，不過回想過來，大學辛苦過專科囉，由一個平民變成一個大眾期望完全唔會犯錯嘅醫生喎。

美: 咁又係。

T: 由全校頂尖生，過關斬將，突然變成全系一般生，都要啲心理調節㗎。

其實抑鬱症的成因有很多：基因遺傳，性格傾向（例如完美主義的性格特質），重大生命事件（喪親喪偶），濫藥，患病，或者是完‧全‧沒‧有‧原‧因‧的。讀醫的通常都對自己有要求又不擅交際，加上生活上突然改變，的確會有心理素質上的挑戰。

解決方法當然是求醫，但很多時醫生每個月才見面一小時，所以其實身邊的人的幫助更為重要。

首先，抑鬱症不單純是唔開心，所以希望你上網多了解一下。大概來說，抑鬱症的感覺是周身不舒服，很疲累很疲累很疲累完全提不起勁，跟星期一早上想射波有點相似，但不同的是，抑鬱症是會維持一段長時間，而且連娛樂都提不起勁，包括不想打機不想出街不想見friend，所以如果你抑鬱症的朋友想見你，你就好可能是他唯一的出口。而中/ 小朋友的抑鬱症狀更難判斷，所以如果你是家長而看不出來的話，根本沒有其他人可以知道。

當我發現連醫生都在說「你唔好唔開心啦」這些廢話時，我必須告訴你，以下是抑鬱中人士最不想聽到的安慰說話（有其他請補充）:

1. 你做乜唔開心唧？

2. 你有乜值得唔開心唧？

3. 你唔好諗咁多啦

4. 你睇開啲啦

5. 你冇事嘅

6. 你快啲睇醫生啦

7. 你去散下步/ 做下運動/ 休息下就冇事㗎啦

如果你是他的朋友，第一件事，先不要質疑他懶/ 麻煩/ 痴線/ drama queen，否則連最後一扇門也會關掉。其次就是間中約他出來做些事，也不定要很有意義的事，踏出家門就好。他有事要說的時候就聽一下，不用hardsell 我很關心你/ 你要好番這回事。讓他知道你在就好。最後，照顧人是件很疲累的事，你也休息一下吧。

為什麼從事醫學美容的我在跟你說抑鬱症的事？Because I care。 開學到現在十幾單的學生自殺，雖然我們現在的社會很矛盾很亂，但我們不要對這種事麻木。

(Photo from Internet)