美: 嘩，Dr. T，你播條片你支針咁長嘅？
T: 係導管嚟㗎。
美: 佢唔痛咩？
T: 微痛啦，你睇佢個表情幾平靜？
美: 咁又係。
T: 用導管傷口細啲，瘀嘅機會又少啲，又安全啲，現正好多的國際專家都建議㗎。
美: 咁少醫生用嘅？
T: 難用又貴嘛。
美: 係啦，我有啲妹妹朋友返大陸打㗎，平吖嘛。
T: 嘎......
BB，返大陸打針你到底知不知道在打什麼？
「我睇住佢折盒㗎，個盒同香港一模一樣㗎！」
BB，你好叻呀。
不過我想話你知大陸係唔會有香港的產品㗎。
第一，國家係有嚴緊的醫療政策，所有外國醫療產品無論如何有科學根據，甚至有美國FDA approval，都要在內地再進行研究確保無誤才可以獲CFDA approval。研究到批準一般來說前後大概七年左右。
咁內地啲葯咪慢咗七年囉？
唔會，有內地藥廠嘛，全世界所有嘢都判俾大陸做㗎啦，一樣㗎啫。
第二，內地藥物的包裝係有中國特色㗎。有簡體字㗎，你覺得最冇可能係正貨嗰啲就係正貨喇。
咁到底你打嘅是什麼呢？
一、水貨
好運的話你打到水貨，水貨好多時是歐洲貨，是正廠出嘅貨，基於稅率𣿬率市場需求等等理由比本地便宜，需要由香港「運送」上內地迴避關稅，至於「運送」時會否有運輸藥物需要的溫度環境呢？存放環境會否對藥物構成改變呢？
二、國貨
將國貨放在一個正貨包裝，老實說，你真的會全程張開眼嗎？
國貨有問題嗎？國貨亦有分正牌雜牌，打進去後長期唔溶有，定期發紅發漲亦有。
國貨有問題嗎？國貨亦有分正牌雜牌，打進去後長期唔溶有，定期發紅發漲亦有。
三、假貨
是這樣的，Botox 紙盒回收價人仔一百，Botox 藥樽回收價人仔三百，紅酒都有㗎！Lafite 樽回收價過千㗎！
BTW，內地的正貨貨價是貴過香港的，你打的價錢比香港平，我真係好難答你你打左啲乜。
延伸閱讀:
穗女打美容針想變V字臉 下巴增生似腳踭（圖片中為Restylane正式大陸版）
沒有留言:
張貼留言