健：點呀你近排？
T: 唔開心。
健：做咩？
T: 公司囉。你呢？
健：好眼瞓。
T: 啲同事近排唔聽話...
健：Zzz...
T: 喂？
健：Zzz...
一邊打水光槍可以一邊瞓，我啲有冇技術好到咁？
選擇題，我有兩個同事
A. 冇錯姐。成日唔記得嘢，講完又唔記得，又唔去嘗試記得，咁點？咪瀬嘢囉！瀬完點？咪我執屎囉。點解唔係佢執？因為佢唔記得佢做錯囉，所以佢係永遠冇錯㗎，所以佢執完屎之後係會有更多屎。之但係啲客又好鍾意佢好buy佢喎。
B. 計較姐。有乜so先？冇so做乜要做呢？呢啲冇錢嘅hea 做得啦。冇做錯冇人投訴咪得囉。
各位留意，以上兩位並唔係九十後。
有時候呢，old seafood更難頂，因為佢地係會响公司規矩同底線上遊走。
俾你係老細，炒邊個？
其實請人時個個嘅CV都寫到天花龍鳳，見工又表現得面面俱圓，老實講，如果你要的人工比一般人高，老闆一定會要求你的表現比一般人好，最重要是自動波唔駛煩。最怕係搞是搞非玩小圈子玩排斥新人。
計較姐好多時都會話九十後唔識做人，但係人地一星期已經駕御到成個電腦system，你學咗兩年喎。（話時話佢第一日返工已經話佢唔識用電腦，但係check 單計自己人工就係光速零誤）
而冇錯姐當然係千錯萬錯天錯地錯都係個客錯公司錯規矩錯唔係佢錯啦。睇佢接投訴就最過癮，因為佢嘅潛台詞係總之我冇錯，所以是永遠傾唔成的。有時客人投訴可能真係純粹擔心，並無其他潛台詞，呢種心態會令自己完全看不出可能發生的問題。（好多關公case都係咁嚟）
回到原來問題，有冇人覺得應該有教無類兩個都留低？
沒有留言:
張貼留言